ഒരു ശനിയാഴ്ച രാത്രി...
FADE IN: ഒരു മൂന്നുനില കെട്ടിടത്തിലെ ഒന്നാംനിലയിലെ 2 BHK വീട്‌. സമയം രാത്രി 10 മണി. ഡോര്‍ തുറക്കുന്നു. വീ മൂവ് ഇന്‍. അതൊരു ഹാള്‍ ആണ്. വലതുവശത്തെ ചുവരിലുള്ള ട്യൂബാണ് ആ മുറിയിലെ പ്രകാശ സ്രോതസ്‌. രണ്ട് മൂന്ന്‌ ദിവസത്തെ ന്യൂസ് പേപ്പറുകള്‍ കുറച്ചെണ്ണം തറയിലും കുറച്ചു മേശപ്പുറത്തുമായി കിടക്കുന്നു. ടിവിയില്‍ ഒരു ഫോര്‍മുലാ വണ്‍ റേസ്‌ കാണിയ്ക്കുന്നു. കമ്പ്യൂട്ടറില്‍ "മന്‍‌സിലേന്‍ അപ്‌നി ജഗഹ്‌ ഹെ...." എന്ന ഗാനം പാടിക്കൊണ്ടിരിയ്കുന്നു.
മൂന്നു ചെറുപ്പ(?)ക്കാര്‍ - വാസു(23), സഹു(23), ലാലു(23) - കസേരയിലിരുന്നു ബിയര്‍ കുടിയ്ക്കുന്നു. തറയില്‍ ഒരു കേസ്‌ ബിയറിന്റെ കാര്‍‌ഡ്‌ബോര്‍‌ഡ് ബോക്സ്‌ കിടക്കുന്നു. അതിനകത്ത് അഞ്ച്‌ കാലിക്കുപ്പികളും കാണാം.
സഹുവും ലാലുവും കാര്യമായ എന്തോ ചര്‍‌ച്ചയിലാണ്. വാസു കൈയിലുള്ള ബിയര്‍ ബോട്ടിലിലേയ്ക്ക്‌ നോക്കി, ലൈറ്റിലേയ്ക്ക് തിരിച്ചുവച്ച് അതിന്റെ ലേബല്‍ വായിയ്ക്കാന്‍ നോക്കുന്നു. [പഞ്ചാബി ഹൌസിലെ ഹരിശ്രീ അശോകനെ പോലെ]
സഹു: "ശരിയ്ക്കും പറഞ്ഞാല്‍ ഓരോ ആളിനേയും നമ്മള്‍ പരിചയപ്പെടുമ്പോള്‍ ഇടയില്‍ ഉള്ള മതിലില്‍ ഒരു ജനല്‍ ഉണ്ടാകുകയല്ലേ ചെയ്യുന്നത്‌? വളരെയധികം കോണ്‍‌ഫിഗറബ്‌ള്‍ ആയ ജനലുകള്‍. എപ്പോള്‍ വേണേലും റീ സൈസ്‌ ചെയ്യാവുന്ന, രണ്ട് ഭാഗത്തു നിന്നും അടയ്ക്കാവുന്ന ജനലുകള്‍... കൊച്ചിലേ ഉണ്ടാക്കുന്ന ജനലുകള്‍ വലിയ ഡൈമന്‍‌ഷന്‍ ഉള്ളവ ആയിരിയ്ക്കും.... പിന്നെ പയ്യെ പയ്യെ പുതുതായി ഉണ്ടാകുന്ന ജനലിന്റെ സൈസ്‌ കുറഞ്ഞു കുറഞ്ഞു വരും.... നീ ശ്രദ്ധിച്ചു നോക്കു, നിന്റെ ക്ലോസ്‌ ഫ്രണ്ട്സ്‌ മിക്കവാറും നീ ടീനേജ്‌ കഴിയുന്നതിനു മുമ്പേ ഉണ്ടാക്കിയതായിരിയ്ക്കും... ചില ജനലുകള്‍ ഒരു ഭിത്തി മുഴുവനും ഉണ്ടാകും. അതായതു ജനല്‍ കൊണ്ടൊരു ഭിത്തി. ചില ജനലുകള്‍ കാലക്രമേണ ചുരുങ്ങി പോകും"
ലാലു: "ഇതു നീ അപഹരിയ്ക്കപ്പെട്ട ദൈവങ്ങള്‍ വായിച്ചപ്പോള്‍ കിട്ടിയതല്ലേ. ഇതുപോലെങ്ങാണ്ടൊന്ന് അതില്‍ വായിച്ചതായി എനിയ്ക്കോര്‍‌മ്മയുണ്ട്. ചുവരില്ലാത്തപ്പോള്‍ ജനാലയുടെ ഇംപോര്‍‌ട്ടന്‍സിനെ പറ്റിയോ മറ്റോ"
ആ സമയത്ത്‌ ഒരു മൊബൈല്‍ റിങ്ങ്‌ ചെയ്യുന്നു. വാസു സംസാരിച്ചോണ്ട്‌ പുറത്തു കടക്കുന്നു.
[ കോറിഡോറില്‍ നിന്നുള്ള വ്യൂ ]
വാസു മൊബൈലില്‍ സംസാരിച്ചുകൊണ്ട് പുറത്തുവന്ന് കോറിഡോറിന്റെ മറ്റേ അറ്റത്തേയ്ക് നടക്കുന്നു.
[സൂം ഔട്ട്. മുകളീന്നുള്ള വ്യൂ....]
വാസു ഇപ്പോള്‍ കോറിഡോറിന്റെ അറ്റത്തെത്തി. താഴെ ഓപ്പൊസിറ്റ് സൈഡിലെ ബില്‍ഡിങ്ങില്‍ നിന്നും ഒരു പെണ്‍‌കുട്ടി ഒരു പോമറേനിയന്‍ പട്ടിയുമായി ഇറങ്ങി വരുന്നു. വരുന്ന വഴി അവള്‍ വാസുവിനെ നോക്കി പുഞ്ചിരിയ്ക്കുന്നു. വാസു അപ്പോഴും ഫോണില്‍ തന്നെ. ലവള്‍ പട്ടിയെ 1-2 പരിപാടികള്‍ക്കായി കൊണ്ടുപോകുന്നു.
CUT. TO: അടുക്കളയിലെ ഫ്രിഡ്ജില്‍ നിന്നും രണ്ട് ബിയര്‍ ബോട്ടിലുമായി സഹു ഹാളിലേയ്ക്ക്‌.
ലാലു: എടാ, ദൈവത്തിന്റെ നീതി എന്നു പറയുന്ന ഒന്നു ശരിയ്ക്കും ഉണ്ടോ? ഞാന്‍ ചോദിയ്ക്കാന്‍ കാരണം എന്താച്ചാല്‍, നമ്മളെ കണക്കിനുള്ള ഊളകള്‍ ആരുടേയോ ഭാഗ്യം കൊണ്ട്‌ ഈ നിലയില്‍ എത്തി.... പകലന്തിയോളം പണിയെടുത്ത്‌ വെറും ഇരുപതു ഇരുപത്തഞ്ച്‌ രൂപ മാത്രം കൂലി കിട്ടുന്നവരെ ഞാന്‍ കണ്ടിട്ടുണ്ട്‌. അവര്‍‌ക്കെന്നാണ്‌ ഇങ്ങനെ ഒരു സമയം വരുന്നത്‌?
സഹു : നീ പറഞ്ഞത്‌ ശരിയാണ്. ദൈവം ഒരു ശരിയായ സോഷ്യലിസ്റ്റ്‌ ആയിരിയ്ക്കണം.
ലാലു: ദൈവം ഒരിയ്ക്കലും പാര്‍‌ഷ്യാലിറ്റി കാണിയ്ക്കരുത്‌. പള്ളി/അമ്പലത്തില്‍ പോകുന്നവരേയും പോകാത്തവരേയും ഒരേ പോലെ കാണണം. പ്രാര്‍‌ത്ഥിയ്ക്കുന്നവരെ മാത്രം നോക്കുവാണേല്‍ ദൈവവും ലീഡറും തമ്മില്‍ എന്തു വ്യത്യാസം?
സഹു: ഇപ്പൊ ദൈവത്തിന്റെ പേര് കുറച്ചാളുകള്‍ സ്വന്തം കാര്യലാഭത്തിനു വേണ്ടി ഉപയോഗിയ്ക്കുന്നു.
ലാലു: അങ്ങനെ ആണെല്‍ യുദ്ധങ്ങളും ചിലരുടെ മാത്രം ലാഭത്തിനു വേണ്ടിയല്ലേ നടക്കുന്നത്? നീ മൈക്കല്‍ മൂറിന്റെ ഫാരന്‍‌ഹീറ്റ്‌ 9/11 കണ്ടിട്ടില്ലേ?
സഹു: അശോകന്റെ ബുദ്ധമത സ്നേഹത്തെപ്പറ്റി നിനക്കെന്തു തോന്നുന്നു? വലിയൊരു സാമ്രാജ്യം കൈവശമായപ്പോള്‍ ഇനി ഫര്‍‌തര്‍ അറ്റാക്ക്‌ വരാതിരിയ്ക്കാന്‍ വേണ്ടി പുള്ളി കണ്ടുപിടിച്ച എളുപ്പവഴിയായിക്കൂടെ അത്?
ലാലു: അല്ലേലും ഹിസ്റ്ററി എന്നു പറയുന്നത് ജയിച്ചവന്റെ മാത്രം കഥയല്ലേ? കലിംഗന്റെ വെര്‍‌ഷന്‍ ആരും കേട്ടിട്ടില്ലല്ലോ. മാത്രവുമല്ല പല ഭരണാധികാരികളും അവരുടെ താത്‌പര്യത്തിനനുസരിച്ച് പലേ രേഖകളും നശിപ്പിക്കുകയും ചെയ്തിരിയ്ക്കാം, ഡാവിന്‍‌സി കോഡിനകത്ത്‌ ഡാന്‍ ബ്രൌണ്‍ ക്രൂസേഡ്‌സിനെ പറ്റി പറഞ്ഞപോലെ.
വാസു സ്റ്റെപ്സ് ഇന്‍. പുള്ളി കുറച്ചു ഡെസ്പ് ആണ്.
സഹു: യൂറോപ്പിലെ ജീവിതം കുറച്ചൂടെ നല്ലതാണെന്ന് എനിയ്ക്കു തോന്നുന്നു.
ലാലു: വൈ?
വാസു: ഡേയ് ഡേയ്. വിട്ടുപിടി. ഇത്രയും കാലം വെള്ളമടിയ്ക്കുമ്പോള്‍ ഈ നാട്ടിലെ ഇരിയ്ക്കേം ചിരിയ്ക്കേം കരയേം നടക്കേം ചെയ്യുന്ന പെണ്‍കുട്ടികളെപ്പറ്റി മാത്രം സംസാരിച്ചോണ്ടിരുന്ന നിങ്ങള്‍ക്കിതെന്തുപറ്റി. ഇന്നത്തെ ബിയറില്‍ സ്യൂഡോ ബുദ്ധിജീവി ആകാനുള്ള വല്ല ചേരുവയും ഉണ്ടായിരുന്നോ?
[ സഹു വാസുവിന്റെ വാക്കുകള്‍ ശ്രദ്ധിയ്ക്കാതെ, പറഞ്ഞുകൊണ്ടിരുന്ന കാര്യം കണ്‍‌ടിന്യൂ ചെയ്യുന്നു ]
സഹു: നമ്മുടെ കാര്യം തന്നെ എടുക്കാം, നീ വേണ്ട എന്നു വിചാരിച്ചാല്‍ പോലും കല്ല്യാണം കഴിയ്ക്കാതെ നില്‍ക്കാന്‍ പറ്റില്ല.... അപ്പോഴേയ്ക്കും വീട്ടുകാര്‍ സെന്റിമെന്റ്സ്‌ എന്ന ബ്രഹ്മാസ്‌ത്രം പ്രയോഗിയ്ക്കും. അങ്ങനെ എവിടെയോ കിടക്കുന്ന ഒരു നല്ല കുട്ടിയുടെ ബാക്കി ജീവിതം നമ്മളെ കണക്കുള്ള കൂറകളുടെ കൂടെ ആകും.
ലാലു: അതും യൂറോപ്പുമായി എന്തു ബന്ധം?
സഹു: അവിടെ ഫാമിലി സെറ്റപ്പ്‌ തന്നെ വേറെ തരത്തിലല്ലേ.... തിങ്ക്‌ എബൌട്ട് ദാറ്റ്‌. എന്താണ് ഇന്ത്യയില്‍ ഒരു ജോര്‍‌ജ്ജ്‌ ആഡംസണോ ജേന്‍ ഗുഡ്‌ഓളോ ഉണ്ടാകാത്തേ? ഇവിടെ നീ അങ്ങനെ ആകണം എന്നു വിചാരിച്ചാല്‍ പോലും അങ്ങനെ പോകാന്‍ പറ്റില്ല. അതു നമ്മുടെ നാട്ടിലെ ഫാമിലി സെറ്റപ്പിന്റെ കുഴപ്പം അല്ലേ?
ലാലു: രണ്ടിനുമില്ലേ അതിന്റേതായ നല്ലവശങ്ങള്‍? നീ ചുമ്മാ അക്കരെപ്പച്ച എന്ന രീതിയില്‍ സംസാരിയ്ക്കരുത്‌. പെട്ടെന്നു പിടിച്ചു പെണ്ണുകെട്ടിയ്ക്കുന്നു എന്നതാണോ നിന്റെ പ്രശ്നം?
സഹു: ഇവിടെ മാരേജ് എന്നത്‌ ചായ കുടിയ്ക്കാനുള്ള ഒരു ലീഗല്‍ ലൈസെന്സ് തരലല്ലേ?
ലാലു: അവിടെ നിനക്കുതെറ്റി. ദേര്‍ ഈസ് ലോട് ടു ഇറ്റ്. അത് കേവലം ഒരു ചായകൂടി ലൈസെന്സ് മാത്രമായി കുറച്ചുകാണരുത്.
സഹു: ബേസികലി മനുഷ്യനും മറ്റു മൃഗങ്ങളെപ്പോലെ പോളിഗാമസ് ആണല്ലോ പിന്നെ എന്തിനാ അതു സപ്രസ് ചെയ്യാന്‍ നോക്കുന്നേ?
ലാലു: കപടമോ അല്ലാത്തതോ ആയ സദാചാരബോധവും ഉള്ളിലെ മൃഗവും തമ്മിലുള്ള ഒരു സ്ട്രഗിള്‍ അല്ലേ ജീവിതം? പോളിഗമി സദാചാര വിരുദ്ധമായി പൊതുവേ കരുതപ്പെടുമ്പോള്‍?
വാസു, റിലേ ശരിയാക്കാന്‍ വേണ്ടി തല നല്ലോണം കുലുക്കുന്നു. വാസു നോക്കുമ്പോള്‍ സഹുവും ലാലുവും എന്തൊക്കെയോ പറയുന്നുണ്ട് പക്ഷെ വാസുവിന് ഒന്നും കേള്‍ക്കുന്നില്ല. അവരുടെ ചുണ്ടനങ്ങുന്നത് കണ്ട് വാസുവിന്റെ പേടി കൂടുന്നു. കാണുന്നത് സത്യമാണോന്നറിയാന്‍ കണ്ണ് ശക്തിയായി തിരുമ്മുന്നു. പിന്നേം തല നല്ലോണം കുലുക്കുന്നു.... അവസാനം റിലേ ശരിയായി.
സഹു: ........ റിവര്‍ പെഡ്ര ഒരു നല്ല പുസ്തകം അല്ലെന്നല്ല ഞാന്‍ പറഞ്ഞത്‌. ലാറ്റിന്‍ അമേരിക്കന്‍ രചനകള്‍ ശ്രദ്ധിച്ചുനോക്കിയാല്‍ ഓഷോ പണ്ട് പറഞ്ഞിട്ടുള്ള പല കാര്യങ്ങളും അവിടെ കാണാം. അതിന്‌ അന്ന്‌ വേണ്ട പ്രാധാന്യം കൊടുക്കാതെ ഇപ്പൊ ലാറ്റിന്‍ അമേരിക്ക എന്നു പറഞ്ഞ് നടക്കുന്നതിനെപ്പറ്റിയാണ്.
വാസു ക്ഷമ നശിച്ച് തല മാന്തിത്തുടങ്ങി.
വാസു: മനോഹരന്‍‌മാരേ... രാവിലെ നേരത്തേ എണീയ്ക്കണ്ടെ? അപ്പുറത്തെ വീട്ടിലെ കുട്ടി പട്ടിയുമായി ജോഗിങ്ങിനിറങ്ങുമ്പോള്‍ നിങ്ങള്‍ക്ക്‌ എസ്‌കോര്‍‌ട്ട്‌ പോകണ്ടേ? അതു കഴിഞ്ഞ് നാളെ മോണിങ് ഷോയ്ക്ക് പോകണ്ടേ. ഇത്രയ്ക്ക് വെളിവില്ലാതാകരുത്.
ലാലു: നീ തന്നെ ഇതു പറയണം. ഇന്ന്‌ രാവിലെ വരെ നീ ഈ ജോഗിങ്ങ്‌ എസ്കോര്‍ട്ടിന് എതിരായിരുന്നല്ലോ. ഇപ്പൊ എന്തു പറ്റി?
വാസു: പെണ്ണ്‌ ചതിയ്ക്കും കള്ള്‌ ചതിയ്ക്കില്ല, കുടിച്ചാല്‍ കിക്കാകും ഒറപ്പ്‌.
ലാലു: നീ കാര്യം ന്താച്ചാല്‍ തെളിച്ചു പറയ്‌.
വാസു: മാഗി എന്നെ വിളിച്ചിട്ടുണ്ടായിരുന്നു. രണ്ടുകൊല്ലത്തിനുശേഷം, ഇപ്പൊ അവള്‍ക്ക്‌ പറ്റില്ലാന്ന്‌. അവള്‍ കുറേ കാരണങ്ങള്‍ പറഞ്ഞു. ഒന്നും എനിയ്ക്കു ഒരു കാരണമായിത്തോന്നിയില്ല. ഇതെല്ലാം ഇപ്പൊ എവിടുന്നു വന്നു എന്ന ചോദ്യത്തിന് അവള്‍ ഒരു ഉത്തരവും തന്നില്ല. അതാ ഞാന്‍ പറഞ്ഞേ പെണ്ണ്‌ ചതിയ്ക്കും കള്ള്‌ ചതിയ്ക്കില്ല, കുടിച്ചാല്‍ കിക്കാകും ഒറപ്പ്‌. ഞാന്‍ ഒറങ്ങാന്‍ പോകുന്നു. ഗുഡ് നൈറ്റ്.
[BLACK OUT]
വാല്‍‌കഷ്ണം:
ഞായറാഴ്ച രാവിലെ. മെയിന്‍ ഡോറിനു പിറകില്‍ ഒരു നോട്ട്. സൂം ഇന്‍.
ഞാനിന്നലെ പറഞ്ഞതെല്ലാം തിരിച്ചെടുക്കുന്നു. വി റീകണ്‍സൈല്‍ഡ്. സോറി ഗയ്സ്, ഐ വോണ്ട് ബി ഏബിള്‍ റ്റു മേക് ഇറ്റ് റ്റു ദ മൂവി. ഐ ഹാവ് റ്റു ഗോ സീ അബൌട്ട് എ ഗേള്‍*.
വാസു.
* ഗുഡ് വില്‍ ഹണ്ടിങ്ങിലെ ഒരു ലൈന്‍.
Subscribe to:
Post Comments (Atom)
5 comments:
ഒരു ശനിയാഴ്ച രാത്രി... ബിയര്‍ തലയ്ക്കുപിടിച്ച മൂന്നാത്മാക്കള്‍... ഇതു പോസ്റ്റണോ വേണ്ടയോന്ന് കുറേ ആലോചിച്ചു അവസാനം പോസ്റ്റി. ചിലപ്പൊ മനസ്സുമാറി ഡിലീറ്റിയേക്കാം.. :)
കള്ളും പുറത്തേ ഡയലോഗ്സ് അല്ലെ.
രണ്ടെണ്ണം അടിച്ചിട്ട് വരാം :)
qw_er_ty
"അങ്ങനെ എവിടെയോ കിടക്കുന്ന ഒരു നല്ല കുട്ടിയുടെ ബാക്കി ജീവിതം നമ്മളെ കണക്കുള്ള കൂറകളുടെ കൂടെ ആകും."
ശരിക്കും എന്താ കുടിച്ചത്? ബിയറു തന്നെയാണോ? വിശ്വാസം വരണില്ല, 7% ഇത്രയും വലിയ കാര്യങ്ങളൊക്കെ പുറത്തു വിടുമോ? :)
:)
ദീപൂ....എപ്പോളാ..നമുക്കൊന്നു കൂടുന്നത്..?
കൊള്ളാം
:)
Post a Comment